Markab lagu magacaabo MV LILA NORFOLK oo ah kuwa qaada xamuulka ayaa laga afduubtay meel u dhow xeebaha soomaaliya.
Markabkan ayaa waxaa saaran shan iyo tobban hindi ah waxaana xeriir lala sameeyay isgaarsiin ay la leeyihiin shaqaalaha markabka,ciidamada bada hindiya ay sheegeen in la afduubtay fiidnimadii qamiista waxaana dusha sare ka ilaalinaya diyaarad helikobtar ah oo ay leeyihiin ciidamada badda hindiya.
Afduubashada markabkaan ayaa kusoo aadaysa iyadoo horay kooxaha burcad badeeda soomaalida ay u afduubteen Markab iyo dhawr doonyood oo kaluumayso kuwaas oo lagu haysto meelo katirsan biyaha soomaaliya.
Waxaana burcad badeeda ay dalbadeen malaayiin doolar oo madax furasho ah,iyadoo hadda lagu soo waramayp in uu wadahadal u socdo burcad badeeda iyo mulkiilayaasha mid kamid ah maraakiibta lagu haysto xeebaha soomaaliya.