Ciidamo katirsan kuwa dowladda soomaaliya ayaa la wareegay deegaanka geedwayne oo ah deegaan u dhaxeeya degmooyinka doolow iyo luuq ee Gobolka Gedo.
Degaanka geedwayne waxaa in muddo ah katalinayay maleeshiyaad katirsan kooxda alshabaab kuwaas oo bulshadda ku dhaqan deegaankaas u diiday in la gaarsiiyo adeegyo kala duwan.
Maleeshiyaadkii kooxda alshabaab ayaa isaga farxiday deegaanka kadib markii ay u babac dhigi waayeen ciidanka dowaladda waxaana ciidamada halkaas ka wadaan baaritaano iyo xaqiijin amni.
Dhinaca kale magaalooyinka doolow iyo beledxaawo ayaa waxaa ka dhaqaaqay ciidamo kuwaas oo xoojinayo ciidanka saaka la wareegay deegaanka geedwayne.
Kooxda alshabaab ayaa inta badan deegaanka geedwayne ku dhibaatayn jiray gawaarida isticmaasha jidka dheer ee xeriiiya magaalooyinka doolow,luuq iyo b/xaawo iyagoo si qasab kaga qaadi jiray lacago badan waxayna sidoo kale dadka shacbka ah ee deegaankaas iyo deegaanada hoosyimaada ka qaadi jireen xoolo nool oo baad ah kuwaas oo ay kusheegayaan sako.