Degmadda baardheere ee gobolka gedo kumanaan qoys oo kamid ah beeralayda waraabka ee degmadda iyo deegaanada hoos yimaada ayaa xiligaan waxaa ay wajahayaan daruufo adag oo xaga noolasha ah.
Qoysaskan ayaa wax soo saarkii ay ku tiirsanayd noolashooda ku baa,ba,day fatahaadii webiga jubba uu sameeyay dabayaaqadii bishii oktoobar ee sanadkan.
Kulan balaaran oo maanta ay isugu yimaadeen gudiga beeralayda baardheere,gudiga horumarinta iyo gudiga gurmadka fatahaadaha degmada ayaa waxay oga hadleen qasaaraha soo gaaray beeralyda kuwaas oo ilaa hada aanan helin wax gurmad ah waxayna sidoo kale hadleen qaabka ugu haboon ee ay beeralayda dib ugu laaban karaan beerahooda.
Gudoomiyaha gudiga beeralayda baardheere ibraahim sheekh xuseen oo ka hadlay kulanka ayaa sheegay qasaaraha sanadkan ku dhacay beeralayda in uu ahaa kii ugu sareeyay ee ebid soo mara.
Waxaa uu tilmaamay hadii aan la daba qaban beeralayda in xaalada ay kasii dari doonto mana muuqato ayuu yiri soo kabasho degdeg ah hadii aysan beeralaydu helin gurmad calami ah.
Dhanka kale gudiyada gudiga gurmadka fatahaadaha,horumarinta,beeralayda iyo waxgaradka deegaanka ayaa waxay ka hadleen dhibaatada qabaan beeralyda iyo gurmad la,aanta waxayna ugu baaqeen dowlada federaalka soomaaliya,maamulka jubbaland,hay,adaha samafalka iyo qurbo joogta soomaaliyeed inay lasoo gaaraan gurmad degdeg ah.
Magaalada baardheere iyo tuulooyinka hoosyimaado waxaa ku yaalo dhul beereed lagu qiyaasay 3000 hektar kaasi oo isugu jiro beeraha waraabka iyo kuwa ku baxa biyaha roobka.
Ugu danbayntii qasaaraha soo gaaray beeralayda degmadda baardheere ayaa lagu qiyaasay in ka badan 3 milyan oo doolar.
Degmada Baardheere iyo tuulooyinka hoostaga waxaa ku yaalla dhul beereed lagu qiyaasay 300kun oo hektar oo isugu jira beeraha waraabka iyo kuwa ku baxa biyaha Roobka, Gudiga Iskaashatada Beeraleyda Baardheere ayaa khasaaraha soo gaarey beeraleyda Baardheere ku sheegay in ka badan $ 3 milyan oo doolar.