Madaxa ururka xisbullah ee dalka lubnaan Naciim Qaasim ayaa sheegay in kooxdooda ay lumisay marinkii uu saadka u marin jiray ee dalka suuriya kadib markii la afgambiyay madaxwayne bashaar al asad ku dhawaad toddobaad ka hor oo ay weerar ku qaadeen fallaagada.
Xiligii asad,xisbullah oo ay iran taageerto ayaa suuriya u adeegsan jirtay inay hub iyo qalab kale oo militari kasoo geliso Iran,iyada oo lasii marinayo ciraaq,suuriya iyo lubnaan.
Balse 6-dii diseember dagaalayahanada kasoo horjeeda bashar asad ayaa qabsaday xadka ciraaq waxayna jareen wadadaas,labbo maalmood kadib fallaagada islaamiyiinta waxay qabsadeen caasimadda dimishiq.
“Haa,xisbullah waxay lumisay marinkii saadka militari ee suuriya maraxaladan”Qaasin ayaa ku sheegay qudbad uu tilifishinka ka jeediyay maalintii sabtidii isagoo sheegay inay raadin karaan siyaabo kale” ayuu raaciyay.
Xisbullah ayaa faragelin ku samaysay dalka suuriya sanadkii 2013-kii si ay u caawiyaan bashar asad dagaalka uu kula jiro fallaagada doonaysay inay xukunka ka tuuraan xiligaas.
Toddobaadkii hore markii ay fallaagadu kusoo dhawaadeen dimishiq,xisbullah waxay soo dirtau saraakiil kormeerayaal ah si ay u kormeeraan ka bixitaanka dagaalyahanadeeda halkaas.
Qaasim waxaa uu sheegay in Xisbullah “aysan gi,aan ka qaadan karin ciidamadaan cusub ee suuriya la wareegay ilaa ay xasiliyaan dalka” laakiin waxa uu sheegay in uu rajaynayo in dadka iyo dowladaha lubnaan iyo suuriya ay si wadayaan iskaashiga.
Waxaa kale oo aanu rajaynaynaa ayuu yiri in maamulka cusub ee talada suuriya la wareegay ay u aqoonsan doonaan israa,iil cadow taas oo keeni karto in aan isu soo dhawaano.
Xisbullah iyo israa,iil ayaa rasaas isku waydaarsanayay xadka koonfureed ee lubnaan muddo ku dhow hal sano kadib weerarkii Qasa,ka hor inta aysan israa,iil qaadin weerar culus bishii sebteember halkaas oo ay ku dishay inta badan hogaanka sare ee xisbullaah.