Waxaa maanta magaaladda kismaayo ee xarunta ku meel gaarka ah ee maamulka jubbaland ka dhacay dibad bax ay kasoo qayb galeen boqolaal shacab ah,kaas oo looga soo horjeeday cunaqabataynta dowladda federaalka saartay magaaladda kismaayo.
Shacabka dhigayay dibad baxa ayaa ku dhawaaqayay ereyo ay ku taageerayaan maamulka jubbaland iyo sidoo kale ereyo ka dhan ah dowladda federaalka soomaaliya gaar ahaan madaxwayne xasan shiiq iyo raysalwasaare xamse barre.
Qaar kamid ah shacabka ka hadlay dibad baxa ayaa ku eedeeyay dowladda federaalka in au cunoqabatayn saartay magaaladda kismaayo gaar ahaan dhinaca safarka,waxa ayna ugu baaqeen dowladda in ay ka laabato ho,aanka ay ku dhibaataynayso shacabka magaalada.
Waxaa ay sidoo kale shacabka qaarkood ugu baaqeen madaxwayne xasan shiiq maxamuud in uu iscasilo waxaa ayna tilmaameeb in uu ku fashilmay hogaaminta dadka soomaaliyeed iyagoona ku eedeeyay dib u dhac iyo nacayb uu u qabo deegaano gaar ah.
Dowladda federaalka soomaaliya ayaa xayiraad kusoo rogtay maamulka jubbaland uu hogaamiyo axmed madoobe waxayna dowladdu xanubtay diyaaradihii tagi jiray kismaayo iyo doolow,waxa ay sidoo kale hakisay deeqihii maamulka la siin jiray iyo mashaaricihii laga fulin jiray deegaanada jubbaland.