Munaasabad balaaran oo ay ku qalin jabinayeen 14 arday oo dhamaystay quraanka kariimka kana aflaxday madarasada barashada qur,aanka ah ee iimaamu shaadhibi ayaa galabta lagu qabtay degmadda beled-xaawo ee Gobolka Gedo.
Munaasabada oo si heersare ah loo soo agaasimay ayaa waxaa kasoo qayb galay culumo,aqoonyahano,macalimiin,waalidiin marti kale waxaana ardayda goobta kusoo bandhigeen qaar kamid ah waxyaabihii ay madarasada ku barteen.
Sidoo kale masuuliyiinta kasoo qayb gashay munaasabada ayaa bogaadiyay sida ay ardayda wax u barteen waxyna ardayda ku dhiiro geliyeen in ay sii wadaan waxbarashadooda.
Ugu dambayn maamulka iyo martida ayaa shahaadooyin gudoonsiiyay ardayda dhamaysay quraanka kariima ah ee kalaamkii eebbe.
