Sirdoonka maamulka jubbaland ayaa kusoo bandhigay magaaladda kismaayo ee xarunta kumeel gaarka ah ee juubaland shaqsi ay ku eedeeyeen inuu katirsanyahay maleeshiyadda kooxda alshabaab oo lagu magacaabo cali shidaad ayuub oo bambo gacmeed ku tuuray isbitaalka wayn ee magaaladda kismaayo.
Ninkaan ay soo bandhigeen sirdoonka jubbaland ayaa waxaa uu kooxda alshabaab la shaqaynaayay muddo 7 sano sida uu afkiisa ka qirtay waxaana sanadkii 2018-kii uu isku dhiibay maamulka jubbaland waxaana lagu xareeyay xeryaha dhaqan celinta maleeshiyaadka kasoo goosta alshabaab.
Markale ayay sirdoonka jubbaland 2019kii ninkaan ay u xireen dhacdo noocani oo kale ah weerar bam gacmeed oo ka dhacay magaaladda kismaayo,sanad iyo bilooyin uu xirnaa kadib waa lasii daayay.
Ninkaan ayaa sidoo kale sheegay inuu shaqada goomiistaha ku shaqaysanayay dhowaanahaanba balse ay soo waceen rag katirsan alshabaab si uu u weeraro xarunta degmadda kismaayo,3 jeer uu ka dansaday tilifoonka ayuu shaaca ka qaaday in markii dambe dil ay ugu hanjabeen hadii uusan fulinin sida ay wax u rabaan.
Cali shidaad ayaa xusay in markii dambe ku qasbanaaday inuu weerarka bambaano ku qaaday isbitaalka kismaayo oo xiligaasi lagu dabiibayay askar katirsan kuwa dowladda federaalka soomaaliya ee kusoo dhaawacmay weerarkii jubbaland ay ku qaaday deegaanka raaskambooni oo fariisin u ahayd ciidamdo kumanaan ah oo kuwa dowladda ah oo toddobaadyadii lasoo dhaafay lageeyay raas-kambooni.