Maamulka jubbaland ayaa ku eedayay madaxwaynaha soomaaliya xasan shiiq maxamuud in uu wali wado kala furfurida iyo qalqal gelinta amniga deegaanadeeda nabadda ah,xili horay dowladda federaalka ugu fashilantay ciidankii ay gaysay raaskambooni ee gobolka jubadda hoose.
War lagu daabacay telifishinka ku hadla afka maamulka jubbaland ayaa lagu sheegay in madaxwayne xasan sheikh iyo dowladiisa in ay ka abuurayaan degmooyin katirsan gobolka Gedo qalalaase amni oo keeni kara in amniga faraha ka baxo loona adeegsado saraakiisha ciidanka dano siyaasadeed.
“Degmooyinka gobolka gedo ayay xasan shiiq iyo kooxdiisa markale isku dayayaan in ay ka abuuraan qalalaaso amni taas oo keeni karta in amnigu uu faraha kasii baxo,maadaama saraakiishii loogu tala galay in ay sugaan amniga loo adeegsanayo dano siyaasadeed” ayaa lagu yiri warka jubbaland kasoo baxay.
Warka lagu baahiyay Tvga jubbaland ayaa sidoo kale lagu yiri “ ciidamadii loogu tala galay inay ilaaliyaan nafta,maalka iyo amniga shacabka soomaaliyeed ayaa eedaysane xasan shiiq maxamuud iyo kooxdiisa waxaa ay u adeegsanayaan inay ku dumiyaan nidaam dowli ah oo dhisan mana ahan wax uu dastuurka dalka qabo”.
Eedayntan kasoo yeertay maamulka jubbaland ayaa kusoo aadaysa xili dowladda ay horay ugu fashilantay qorshihii ay ciidankan ku gaysay magaaladda raaskambooni waxaa ayna dowladda federaalka hadda usoo wareegtay dhinaca gobolka gedo oo ay doonayso in ay ka saarto gacanta maamulka jubbaland.