Wasiirada dowladda federaalka soomaaliya wasiir fartaag iyo wasiir ilkodheere ayaa qadka tilifoonka kula xeriiray maamulada degmooyinka garbohaareey,b/xaawo,baardheere iyo buurdhuubo kuwaas oo ay oo ay dowladda federaalka soomaaliya gacanta ku hayso.
Wasiirada ayaa u sheegay maamuladaas in garbohaareey laga dhisayo jubbaland cusun isla markaana dowladda federaalka ay xarunteeda u wareejin doonto halkaas.
Maamulada degmooyinka ayaa lagu amray in ay qabtaan kulamo dadwayne oo lagu taageerayo qorshahaas.
Gudoomiyeyaasha degmooyinka ayaa codsaday waqti ay bulshada ku wacyigeliyaan iyagoo sidoo kale sheegay inay heshiis la gaareen gudoomiyaha gobolka gedo ee garabka dowladda federaalka cabdulaahi cabdi jaamac (shimbir) kadib muran afar bilood socday.
Dadka deegaanka ayaa horay cabasho uga muujiyay waxqabad la,aanta dowladda xasan sheikh iyagoo ka dalbaday in la dhiso buundooyin go,doon ka dhigay gobolka iyo in dib loo furo garoomada xiran.
Dowladda federaalka oo markale u socoto safar gobolkan ah ayaan wali waxba ka qaban dalabyadii hore ee bulshada.
Qorshahan cusub ee dowladda federaalka ay ka wado Gedo ayaa kusoo beegmaya xili qilaaf siyaasadeed uu ka taaganyahay jubbaland gaar ahaan doorashada madaxwaynaha iyo maamulka gobolka.
Dowladda federaalka ayaa horay u diiday in ay aqoonsato doorashadii jubbaland ee uu ku guulaystay Axmed madoobe taas oo keentau xiisado siyaasadeed iyo mid amni.
Qorshahan cusub ee dowladda federaalka ayaa u muuqda mid lagu doonayo in lagu xoojiyo saamaynta DF ee gobolka gedo iyada oo la adeegsanayo maamulada degmooyinka iyo taageerada shacabka.