Midowga yurub ayaa soo jeediyay in la adkeeyo talaabooyinka dal ku galka ee lasiiyo muwaadiniinta soomaalida.
Bayaan uusoo saaray midowga yurub ayaa lagu sheegay in dhowaan lasoo jeedin doono in dalalka xubnaha midowga yurub ay awood u yeelan doonaan in ay go,aan ka gaaraan talaabooyinka la qaadayo.
Talaabooyinkaan ayaa laga leeyahay dib usoo celinta muwaadiniinta soomaalida ee sida aan caadiga ahayn ku gaaray dalalkaasi kuwaas oo aan haysan dukumiintiyo sax ah.
Soomaalida ayaa sidoo kale laga qaadi doonaa lacago badan oo fiisaha midowga yurub ee loo yaqaano Schengen ah.
Tan ayaa ka dhigan in codsiyada fiisaha Schengen ee soomaalida lagu qaban doono 45 maalmood gudahood halka 15 maalmood ee caadiga ah laga qaadanayo dalalka kale.
Qaar kamid ah sharciga fiisaha Schengen ee soomaalida ayaa laga yaabaa in la joojiyo oo ay kujirto suurtagalnimada in laga dhaafo shuruudaha soo gudbinta dukumiintiyada caddaynta.
Soomaali badan ayaa sanad kaste iska dhiiba wadamada yurub kadib markii ay dalalkaas ku tagaan viisooyin ay ku heleen siyaabo kala duwan.
Dalalka midowga yurub ayaa sidoo kale itoobiya iyo gambia ka qaatay talaabooyin adag oo dhanka viisaha ah.