Wasiirka arimaha dibadada maraykanka ,anthony blinken ayaa u sheegay mid kamid ah wasiirada dhigiisa ah ee carabta oo uu la kulmay intii uu kujiray booqashadii u dambaysay ee bariga dhexe,in Israel ka go,an tahay inay weerarto xisbullah oo ay gudaha u gasho lubnaan,sida ay soo bandhigtay shabakada CNN oo intaa ku dartay in ilo wareedyo ay u xaqiijiyeen wasiirka carbeed in uu ugu jawaabay blinken inaysan xisbullah joojin doonin weerarada isra,el ilaa laga joojiyo dagaalka Gaza.
Saraakiisha maraykanka ayaa walaac wayn ka qaba in haddii uu dhaco dagaal toos ah oo dhex mara isra,el iyo xisbullah inay xisbullah ka adkaan karto difaaca cirka isra,el ee waqooyiga oo ay kujiraan nidaamka difaaca hawada irone dome sida ay sheegtay CNN oo xiganaysa seddex sarkaal oo maraykan ah.
Warbixinta ayaa sidoo kale xaqiijisay inay israa,iil dhankeeda la wadaagtay maraykanka cabsida ay ka qabaan gantaalada iyo diyaaradaha aan duuliyaha lahayn ee xisbullah inay kasoo gudbaan nidaamka difaaca oo ay ku dhacaan bartilmaameedyadooda iyadoo israa,iil ay sheegtay inay hanaankeeda difaaca ee yaala koonfurta qasa u wareejin doonto waqooyiga.
Wakaalada wararka ee REUTERS ayaa ku warantay in saraakiisha ciidanka isr,el ogolaadeen qorshe howlgal oo lagu weeraro lubnaan;”Iyada oo qayn=b ka ah qiimaynta xaalada qorshayaasha howlgelinta ee weerarada lubnaan waa la ansixiyay,waxaana la qaatay go,aamo ku saabsan sii wadida kodhinta u diyaar garowga ciidamada goobta.” ayaa lagu yiri warbixinta Reauters ay kasoo xigatay saraakiisha israa,iil.
Xiisada isra,el iyo xisbullah ayaa sare u kacaysa tan oo ka dambaysay markii ay xisbullah si is daba jog ah oo awood leh ay u weerartay saldhigyada iyo deegaanada isra,el ee ku dhow xadka lubnaan.
Boqolaal kun oo israa,iiliyiin ah ayaa ku barakacay weerarada xisbullah halka ay sare u kaceen muuqaalada daacayada ah ee kooxda ay soo bandhigayso ee shakiga geliyay nidaamka difaaca iyo tiknoolajiyada la socodka hawada isra,el.