Gudoomiyaha degmadda doolow ee gobolka gedo maxamed xuseen cabdi (lafeey) ayaa kulan la qaatay saraakiisha ciidamada dowladda federaalka soomaaliya ee gobolka gedo iyo ciidamada itoobiya.
Kulamadaan oo socday shantii maalmood ayaa waxaa looga hadlay xaqiijinta amniga gobolka gedo,iskaashiga nabad galyada xaduudaha,sidii la isugu furi lahaa wadooyinka xeriiriya magaalooyinka garbohaaray iyo beledxaawo,sare u qaadida amaanka degmooyinka iyo deegaanada Gobolka gedo.
Dhanka kale saraakiisha ciidamada dowladda federaalka ee gobolka gedo iyo gudoomiye lafeey oo kulan gaar ah yeeshay ka hadlay xaalada magaaladda ceelwaaq ee Gobolka gedo oo ciidamada Kenya qaybtii ugu horaysay ka baxeen inta hartayna maalamaha soo socda ka bixi doonaan,waxayna isla garteen in lala garab istaago ciidamada iyo shacabka magaaladaas taageero dhan walba ah lasiiyo si ay isaga difaacaan maleeshiyada alshabaab.
Qaar kamid ah saraakiisha ciidamada gobolka oo maalmahaan ku sugnaa degmadda doolow ee gobolka gedo shirar muhiim ah kaga qayb galay ayaa dib ugu laabtay magaalada beledxaawo waxaana halkaasi ka bilaaban doono dhaqdhaqaaq ciidan iyo dib u xoraynta deegaanada maleeshiyada kooxda alshabaab gacanta ku hayaan.