Faahfaahino dheeraad ah ayaa kasoo baxaya howlgal ka dhan ah kooxda alshabaab oo laga fuliyay xadka galgaduud iyo shabeelada dhexe.
Ciidamada dolwadda iyo saaxiibada caalamiga ah oo kaashanayaa xogta dadka deegaanka ayaa howlgal qorshaysan ka fuliyay deegaanka cali xayle ee kuyaala xadka sh/dhexe iyo galgaduud.
Gaari ay la socdeen xubno katirsan maleeshiyada alshabaab ayaa lagu burburiyay howlgalkan xalay ka dhacay deegaanka cali xayle ee galgaduud waxaana gaariga saarnaa xubno shabaab ah sida lagu sheegay war kasoo baxay taliska ciidanka xoogga dalka.
Dhanka kale diyaarad ayaa duqayn la beegsatay geerash kuyaala deegaanka buq-aqable oo qiyaastii 90 km koonfur galbeed ka xigta magaalada baaldwayne ee xarunta gobolka hiiraan shalay gelinkii danbe.
War kasoo baxay hay,adda nabad sugida sirdoonka qaranka ayaa looga hadlay weerarka buq-aqable waxaana lagu sheegay in howlgal ay iska kaashadeen hay,adda NISA iyo saaxiibada caalamka lagu burburiyay xarunta kaydka hubka iyo gaadiidka maleeshiyada alshabaab ee buq-aqable waxaana jira qasaare soo gaarau xubno katirsan kooxda,mase sheegin inta uu la egyahay qasaaraha.