Raysalwasaaraha dalka itoobiya abiy axmed oo ka hor hadlayay baarlamaanka dalkiisa ayaa soo qaaday qodob la xeriira arinta badda iyo damaca itoobiyaanka,waxaana uu sheegay in ay waqti dheer itoobiya galisay sidii ay marin biyood ku heli lahayd wuxuuna ku celceliyay in ay qasab tahay in dalkiisa uu helo badda cas qayb kamid ah.
Soomaaliland ayuu sheegay in ay noqotay cida u horaysa ee kasoo jawaabta dalabkooda oo ay sidaas ula galeen is afgaradkii u dambeeyay isagoo sheegay in ay soomaaliya aad dhaqaale ugu bixisay sidii loo burburin lahaa MOU-ga taas oo uu sheegay in laga maarmi karay oo ay ahayd in madaxda soomaalida ay lahadlaan madaxda itoobiya halkii ay cid gacan seddexaad ah mari lahaayeen.
Abiy ayaa sheegay in dalkiisa ay ka go,antahay helida badda,wuxuuna tilmaamay in ay jid kasta u marayaan horay ayuu tilmaamay in ay abaal badan ugu leeyihiin soomaaliya gaar ahaana wuxuu sheegay in ay dhiiga u hureen muddo badan.
Hadal jeedinta RW itoobiya kuma soo qaadin waqtiga hirgelinta MOU-gii uu la saxiixday muuse biixi iyo wada hadalkii u danbeeyay ee turkiga ka dhacayba.