Wasiirka amniga maamulka jubbaland yuusuf xuseen dhuumaal oo kusugan gudaha degmadda beled-xaawo ee Gobolka Gedo kaas kasoo galay dhanka magaaladda mandera ee dalka Kenya ayaa shir la yeeshay maamulka degmadda b/xaawo.
Wasiir dhuumaal ayaa xubnaha maamulka degmadda beled-xaawo u sheegay in ay iska diidaan waxa ay Dowladda Federaalka soomaaliya Gobolka Gedo kawado ama ka damacsantahay.
Hoyga uu wasiirka ka deganyahay degmaddaas ayaa waxaa ku hareeraysan ciidamo kala duwan oo ay kamid yihiin xoogga dalka iyo hubka culus.
Dhinaca kale maamulka jubbaland ayaa qoryaha lidka diyaaradaha geeyay aagag kala duwan oo ka agdhaw deegaanka raaskamboono,iyadoona shirkadaha duulimaadyada ay jubbaland u dirtay fariimo kala duwan oo digniino ah.