Ciidanka xoogga dalka soomaaliya gaar ahaan guutadda 8 aad qaybt 60 aad ee ku sugan deegaanka goof-gaduud ee gobolka baay ayaa soo bandhigay xubno kasoo goostay kooxda alshabaab isku soo dhiibay ciidanka xoogga dalka.
Raggaan kasoo goostay kooxda alshabaab oo lagu kala magacaabo roobow cabdiyoow xasan iyo nuurow taakow manuur ayaa in muddo waxaa ay katirsanayeen maleeshiyada alshabaab waxaana ay sheegeen ragaan inay go,aansadeen in kooxdaasi isaga soo baxaan iskuna soo dhiibaan ciidanka dowladda.
Waxaa ay sheegeen labbadaan nine ee kasoo goostay kooxda alshabaab inay tababaro kusoo qaateen degmadda bu,aale ee gobolka jubbada dhaxe waxaa ayna xuseen in ay kasoo qayb qaateen dagaalo ka dhacay qaar kamid ah goboladda dalka.
Taliyaha ururka 47 aad ee guutadda 8 aad qaybta 60 aad CXDS L/Xl/e axmed maxamed nuur (axmed dhageey) ayaa warbaahinta u sheegay labbadaan nin ee kasoo goostay maleeshiyada alshabaab xeriir lasoo sameeyeen sidaasna kusoo dhaweeyeen waxaa uuna xisay in ay usii gudbin doonaan hay,adaha ku shaqada leh.
Ciidanka xoogga dalka ayaa marar badan soo dhaweeyay xubno kasoo goostay kooxda alshabaab iskuna soo dhiibay ciidanka dowlada waxaana xubnahaasi la geeyay xarumo gaar ah oo loogu tala galay in lagu dhaqan celiyo xubnaha kasoo baxa kooxdaasi.
