Madaxwayne kuxigeenka 1 aad ee maamulka jubbaland maxamuud sayid aadan oo maalmahaan kusugnaa magaaladda addis ababa ee dalka itoobiya ayaa shalay kulan mira dhal ah la qaatay taliyaha guud ciidamadda Ethiopia field marshal birhanu jula.
Kulanka ayaa lagu gorfeeyay xaalada amniga iyo sidii la isaga kaashan lahaa dagaalka maleeshiyada kooxda alshabaab ee ku xooggan deegaanada jubbal+and.
Kulanka waxaa madaxwayne kuxigeenka koowaad ku wehlinayay wasiirka wasaarada tamarta iyo qayraadka biyaha jubbaland axmed baraka subayr iyo wasiirka wasaarada isgaarsiinta iyo tiknoolojiyada jubbaland mascuud cabdulaahi axmed.
Waxaa kulankan uu kusoo aadayaa xili ay dhawaan magaaladda Ankara ee caasimada dalka turkiga lagu soo dhameeyay qilaaf sanad jirsaday oo u dhaxeeyay dowladda federaalka soomaaliya iyo itoobiya.
Sida ay inoo xaqiijiyeen ilo ku dhow madaxwayne ku xigeenka koowaad ee maamulka jubbaland ayaa maanta lagu wadaa inuu soo gaaro degmadda doolow ee Gobolka Gedo.