Hay,adda maraynta musiibooyinka qaranka oo waddo ka hortaga saameen ka dhalata abaarta laga cabsi qano inay dalka ku dhufato ayaa degmadda baardheere ee Gobolka Gedo waxaa ay gaarsiisay seddex diyaaradood oo sida shixnado gargaar mucaawino ah oo SoDMA ugu tala gashay in lagaarsiiyo shacabka danyarta iyo kuwa barakacyaasha ah ee kunool gudaha degmadaas iyo deeganada ku xeeran.
Gargaarkan oo raashin ah ayay hay,adda ugu tala gashay in shacabka nugul uga gaashaantaan abaarta laga cabsi qabo in dalka ku dhufato,iyadoo hore degmadaas saamayn adag ay uga soo gaartay daadadki El-nino ee sanadkii hore taas oo burburisay buundooyinka magaaladda iyo kaabayaashii dhaqaalaha walina saamaynteeda la dareemayo.
Agaasimaha waaxda gargaarka SoDMA sahra cali yuusuf ayaa gargaarkan maamulka degmadda baardheere ku wareejisay.
