Ciidamadda booliska maamulka jubbaland ayaa gacanta kusoo dhigay haweeney lagu eedeeyay in nin horey u qabi jiray una dhashay caruur badan ku dishay suntan libaaxa loogu tala galay kadib markii ay ugu dartay furlaato.
War kasoo baxay booliska jubbaland ayaa lagu sheegay in xaafada farjano ee magaaladda kismaayo kasoo qabteen sahra xuseen maxamed oo ku eedaysan dilka saygeedii hore cabdulaahi cabdiraxmaan abuukar.
Booliska ayaa sheegay in haweenaydan in cabitaan ama furlaato ugu dartay suntan libaaxa nin horey u kala tageen waxaana la sheegay in ninkaan markii uu cabitaanka cabay isla goobta si degdeg ah ugu geeriyoodey.
Haweenaydan dilka gaysatay ayaa la sheegay in booliska u sheegtay in saygeedii hore u socdau wadahadal ahaa in ay isku soo laabatan waxaana ay xustay in ay ka shakisay in isaga doonayay in uu sumeeyo ayna sidaasi iyada sun u siisay.
Falkan argagaxa leh ee ka dhacay magaaladda ksimaayo ayaa dad badan si wayn uga naxeen una hadal hayaan waxaana haweenaydan dishay ninkeedii hore la sheegay in ay u dhashay ilaa lix caruur ah oo ay hada agoon ka dhigtay.