Saraakiisha iyo ciidamada ururka 48 aad guutadda 10 aad qaybta 43 aad ciidamada dhulka XDS iyo maamulka degmadda buurdhuubo ee Gobolka Gedo ayaa maanta kulan fayl guud ah isugu yimid.
Kulanka saraakiisha ciidamada amniga iyo maamulka degmadaas ayaa daarnaa wacyi galin iyo sidii si wadajir ah looga shaqayn lahaa xaqiijinta amniga degmadda buurdhuuno iyo nawaaxigeeda.
Taliyaha ururka 48 aad guutada 10 aad cabdiraxmaan ibraahim muxumed ayaa ciidamada u sheegay inaan laga qayb qaadan arimaha siyaasada is diidan ee wadanka kajiro iyo inaan qayb laga noqon xaaladaha cakiran ee kajira degmadda luuq ee Gobolka gedo halkaas oo mudooyinkii danbe ay kajiraan xaalado amniga deegaanka qalqal galin karo.
Dhanka kale gudoomiyaha degmadda buurdhuubo xasan muxumed cali(xasan yare) oo ka hadlay ahmiyada ay leedahay nabad kuwada noolaanshaha ayaa hoosta ka xariiqay in si guud looga shaqeeyo amniga degmadda buurdhuubo iyo nawaaxigeeda.
Ugu dambayn kulankaan saraakiisha qaybahooda kala duwan oo ka hadlay goobta ayaa dhamaantood bogaadiyay shaqooyinka amni xaqiijinta ee ciidamada amniga ay sameeyeen degmadaasi isla markaan ay si wadajir ahna uga shaqeeyaan.
