Faahfaahino dheeraad ah ayaa kasoo baxaya dagaal xooggan oo maanta ciidamada dowladda iyo maleeshiyada kooxda alshabaab ku dhexmaray degaanka shaatolow oo u dhaxeeya degmooyinka doolow iyo luuq ee Gobolka Gedo.
Xogta ayaa intaa ku daraysa ciidamada dowladda waday howlgal wado furis ah in ka dul dhaceen fariisimo ay kooxda alshabaab ku lahayd degaankaas intaa kadibna uu qarxay dagaal faraha looga gubtay.
Maleeshiyada alshabaab ayaa markii danbe la sheegay in ay isaga firxadeen goobta oo ay u babac dhigi waayeen ciidamada huwanta ah.
Qasaaraha ka dhashay dagaalkan ilaa hadda warbaahinta si dhab ah uma aysan ogaanin,warar aanu helayno ayaa inoo sheegaya in ciidanka dowlada ka dhaawacmeeen ilaa 4 askari,dhanka maleeshiyada alshabaab ayaa la sheegay in uu jiro qasaare soo gaaray oo isugu jiro dhimasho iyo dhaawac.
Howlgalkaan waxaa si wadajir ah uga qayb qaatay ciidamadda xoogga,nabad sugida Gobolka Gedo iyo ciidanka booliska.
