Ciidanka xooga dalka soomaaliya oo garab ka helaayay ciidanka deegaanka ee macaawislayda ayaa tagay dhul howd ah oo ku yaala duleedka degmadda ruun nirgood halkaas oo dhawaan alshabaab lagu duqeeyay.
Duqaynta ka dhaday goob alshabaab isku aruursanayeen ayaa la sheegat in kasoo gaaray qasaaro badan oo isugu jiro dhimasho iyo dhaawac,waxaana kooxdii alshabaab halkaasi joogtay lagu qasbay in goobta ka cararaan.
Ciidamo katirsan militariga soomaaliya iyo kuwa deegaanka ayaana gaaray dhulkii howdka ahaa ee alshabaab lagu duqeeyay waxa ayna halkaasi kusoo arkeen raadadka qasaaraha ka dhashay weerarka iyo cararka maleeshiyada al shabaab.
Saraakiil ka tirsan ciidanka xoogga dalka ayaa sheegay in ay la wareegeen goobtii al shabaab lagu duqeeyay,waxa ayna saraakiishaan sheegeen in duqaynta qasaaro xooggan lagu gaarsiiyay alshabaab.
Alshabaab ayaa inta badan ciidankooda jabhada ah isugu gaysa dhul howd ah,halkaas oo ay ka abaabulaan weeraro xooggan ay ku qaadaan saldhigyo iyo fariisimo ciidanka dowladda iyo kuwa deegaanka ku leeyihiin deegaano iyo degmooyin horay kooxda looga saaray.
