Madaxwaynaha maamulka jubbaland axmed maxamed islaam madoobe oo shalay dib ugu laabtay kismaayo,kadib safar hal cisho ah oo uu shalay ku tagay dalka Kenya.
Sid ay sheegayaan ilo wareedyo muhiim ah safarka axmed madoobe ayaa ka dambeeyay,markii maalmo ka hor uu madaxwayne xasan sheikh uu safar ku tagay Kenya uu ka codsaday madaxwayne William ruto in uu dhex dhexaadiyo isaga iyo madaxwaynaha jubbaland si dib uu ugu soo laabto shirka madasha wadatashiga Qaran NCC oo toddobaadyo ka hor uu isaga baxay.
Axmed madoobe ayaa magaaladda Eldoret kula kulmay madaxwaynaha Kenya William ruto,waxaana la isla soo qaaday sidii xal looga gaari lahaa qilaafka ka jira arimaha shirka NCC,iyadoo dowladda Kenya ay madaxwaynaha jubbalad ka codsatay in uu ku laabto shirka madasha kana soo dabco qodobada uu ku dheganyahay ,hase ahaatee madaxwaynaha jubbaland ayaa markale ku adkaystay seddexda qodob oo ahayd dooda jubbaland oo kala ah:-
1.Dastuurka jubbaland in aan la dhaafi karin isla markaana uu sida uu qabo ay muhiim tahay in la qabto doorashada heerarka kala duwan ee baarlamaanka iyo madaxtooyada isla markaana aysan ogolaan karin mudoo kordhin hor leh oo loo sameeyo hay,adaha dowladda.
2- haddii doorasho qof iyo cod ah la qabanayo ay noqoto mid loo dhan yahay oo ay kasoo qayb galaan doodeeda dhamaan dhinacyada maqan sida Puntland.
3-In guddiyada doorashooyinka ay noqdaan labbo heer mid heer federal iyo mid heer dowladaha xubnaha ka ah DFS ah.