Madaxwaynaha wadanka ruushka Vladimir putin ayaa uga digay reer galbeedka arbacadii in ruushku uu isticmaali doono hubka niyukleerka hadii lagu soo weeraro gantaalaha caadiga ah.
Sidoo kale putin ayaa sheegay in weerar kasto oo lagu soo qaado ruushka kaas oo ay gadaal ka taagantahay dowlad ku hubaysan niyikleer in Moscow ay u tixgelin doonto mid si wada jir ah loogu soo qaaday.
Putin oo furay shirka golaha amniga ruushka ayaa sheegay in isbadaladani dhanka niyukleerka ah ay dowladiisu uga jawaabayso isbadalk degdega ah ay ku dhacaya muuqaalka dunida kaas oo uu sheegay in uu Qatar ku yahay ruushka.
Dhanka kale 71-jirkaan leh go,aanka ugu danbeeya ee ruushka ayaa sheegay in ruushka uu ka fiirsan doono in uu adeegsado hubka niyukleerka hadii dhulkiisa lagu soo weeraro gantaalada soo jireenka ah ee caadiga ah,diyaaradaha dagaalka ama kuwa aanan duuliyaha lahayn.
Sikastaba ruushka ayaa mudo hadda laga joogo labbo sano iyo bar ku duulat dalka deriska la ah ee Ukraine.
Dagaalkaas ayaa keenay in uu aad u xumaado xeriirka ruushka iyo dalalka reer galbeedka taasoo dhalisay cabsi la xeriirta in la isu adeegsado hub culus.