Maxkamadda sare ee wadanka maraykanka ayaa waxay sheegtay in ay dhagaysan doonto dacwad loo haysto madaxwaynihii afartan iyo shanaad ee dalkaasi Donald Trump kaasi oo qorshaynayo in uu ka qayb galo doorashadda wadankaasi ka dhacaysa sanadkaan labbo kun iyo labaatan iyo afar.
Wuxuu trump uu wajahayaa eedaymo culus oo kala duwam taasi oo ah in uu ka gudbay xayndaabkii sharciga waxaana dacwad oogeyaal kasoo jeeda gobolo kala duwan oo maraykanka ah ka reebeen in uu ka qayb galo doorashadda dalkaas.
Gobolka Colorado ayaa ah gobolka keliya ee sida gaarka ah ugu dhegan madaxwaynihii 45 aad ee dalkaas ee Donald trump maadama kiisaska ugu badan uu ka gaystay gobolkaas,waxaana la filayaa in uu racfaan ka qaato go,aankaas diidmada ah ee doorashadda ka hor istaagaya.
Seddex sano ka hore kacdoonkii rabshadaha watay ee ka dhacay dhismaha capital waxaa uu bar madoow u yeelay wajiga siyaasadeed ee Donald trump halka warqadihii sirta qaranka uu gurigiisa dhigtay ay ugu darsantay.
Bisha Febraayo ee sanadkaan waxaa uu Donald trump heli doonaa natiijadda ugu danbaysa ee caddaynaysa in uu qayb ka noqon karo doorashadda wadaankaas ka dhacaysa sanadkaan iyo in laga reebayo sida ay sheegeen ilo kala duwan oo kiisakaan ka agdhow.