Waxaa dekeda magaalada muqdisho kusoo xirtay Markab wayn oo siday hub kala duwan oo loogu tala galay in ay adeegsadaan ciidanka xoogga dalka.
Hubkaan waxaa soomaaliya ugu deeqay dowladda masar oo dhawaan iskaashi dhinaca militariga ah ay yeesheen.
Sidoo kale wasaarada arimaha dibadda masar ayaa war qoraal ah kasoo baxay lagu shaaciyay in soomaaliya u direen kaalmo militari waxa ayna dowladda masar sheegtay in hubkaan ugu tala galeen in lagu xoojiyo awooda ciidanka soomaaliya si ay ula dagaalamaan argagixisada uguna ilaashadaan madaxbanaanidooda.
“Waxaa muqdisgi gaaray shixnad kaalmo militari oo loogu tala galay in lagu xoojiyo awoodda ciidanka soomaaliya,iyada oo laga amba qaadayo taageerada masar ee lagu xaqiijinayo xasiloonida soomaaliya” ayaa lagu yiri warka kasoo baxay masar.
Dhanka kale dowladda masar ayaa sidoo kale balan qaaday in ay sii xoojin doonaan taageerada ay siinayaan ciidanka qalabka sida ee soomaaliya waxaana ay sheegeen dowladda masar in ay diyaar u yihiin garab siinta ciidanka xoogga dalka soomaaliya oo dagaal kula jiro argagixiso hubaysan.
Si kastaba,soomaaliya iyo masar ayaa kala saxiixday heshiis iskaashi oo dhinaca militariga ah,waxaana la filayaa dowladda masar in soomaaliya usoo dirto ciidamo nabad ilaalin ah kuwaas oo sii xoojin doona taageerada ay siiyaan ciidanka soomaaliya.