Hogaamiyihii ururka xamaas ee falastiiniyiinta ismaaciil haniya ayaa aroornimadii hore ee maanta oo arbaca ah lagu dilay magaalada Tehran ee caasimada dalka Iran.
Bayaan isna kasoo baxay xamaas ayaa lagu xaqiijiyay in ismaaciil haniyah lagu qaarijiyay caasimada Iran.
Xamaas ayaa sidoo kale ka tacsiyeeyay dilka hogaamiyahooda iyaga oo bayaankooda ku sheegay in haniyah lagu dilay weerar ay ku sheegeen in sahyuunidda ay ku qaaday guriguu uu ka degenaa Tehran.
Haniyaha ayaa talaadadii shalay ka qayb galay munaasabadii dhaarinta madaxwaynaha cusub ee Iran.
Majirto cid sheegatay ilaa iyo hadda masuuliyada dilka ismaaciil haniyah,hase yeeshee horay ayay israa,iil wacad ugu martay in ay dili doonto madaxda ururka xamaas.
Ismaaciil haniyah oo ah hogaamiyaha siyaasada ee ururka xamaas ayaa ka tagay marinka Gaza,sanadkii 2019-kii,wixii markaasi ka danbeeyay wuxuu magangalyo ku degenaa waddanka Qatar.