Madaxwayne kuxigeenka koowaad ee maamulka jubbaland maxamuud sayid aadan iyo masuuliyiinta katirsan dowladda soomaaliya ayaa dhinacyadii ku dagaalamay degmadda luuq ugu baaqay xabad joojin shuruud la,aan ah iyo in la badbaadiyo hantida shacabkii barakacay.
Wasiir dowlaha wasaarada deegaanka iyo isbedelka cimilada soomaaliya axmed cumar maxamed (ilka dheere) ayaa ka warbixiyay qodobo hordhac ah oo guddigaan colaadii dhacday kasoo saareen kuwaas oo kala ah.
1.Xabad joojin aan wax shuruud ah ku xirnay oo labbada dhinac ay dhaqan geliyaan.
2.In nabadda guud ee deegaanka la qaato qofkii wax gaystana ay isaga u gaar tahay talaabo wadajir ahna laga qaado.
3.In dhinacyada dirirtu dhexmartay ay u diyaar garoobaan waxa xaajood lagu xalinaayo mushkiladii dhacday.
4.In laga fogaado wax kaste oo carqaladaynaya nabadda deegaank sida wada hadalada socda sida kicinta bulshadda.
5.In dhinacyada kusugan magaaladda ay badbaadiyaan hantida dadka barakacay iyada oo qofna aan dhib loogu gaysan karin haybtiisa.
Ugu dambayn masuuliyiinta guddiga ayaa ku baaqay in guud ahaa shacabka degmadda luuq ay wada qayb qaataan nabadda isla markaana shacabkii barakacay ay guryahooda dib ugu soo laabtaan.