Senator c/laahi ismaaciil fartaag oo kamid ah xildhibaanada kasoo jeeda jubbaland gaar ahaan Gobolka Gedo ayaa si adag uga hadlay xaalada wasiir janan.
Fartaag ayaa fariin u diray dowladda keenya waxaana uu ka codsaday in ay si degdeg ah usoo dayso janan oo haatan xaaladiisa walaac xoogan laga muujinayo maadama la waayay.
”Waxaan ugu baaqaynaa dowladda keenya oo uu ugu horeeyo wasiirka gaashaan dhiga aadan bare ducaale oo ah nin keenyaan ah,soomaalina ah,uguna wayn hadda amniga keenya,sidaas oo ay tahay waxaan ugu baaqaynaa taliyaha nabad sugida keenya nuuradiin xaaji inay soo farageliyaan arrinta c/rashiid janan si loo soo daayo” ayuu yiri senator fartaag.
Sidoo kale waxaa uu ka hadlay dowladda keenya inay janan kusoo wareejiso dowladda soomaaliya kadibna ay caddayso waxa ay ku haysato si looga gar baxo.
“Haddii uu dambi galay dowladda soomaaliyeed ayaa nahay waa dhisanahay waa inay nagu soo wareeiyaan oo wixii ay ku sheeganayaan halkaan ay kusoo wareejiyaan “ayuu raaciyay.
Horay waxaa arinta janan uga hadashay jubbaland oo iyadana keenya ka dalbatay in xaaladda wasiir janan ay meel ku sheegaan ayna soo cadeeyaan waxa uu kusuganyahay.
“Dowladda aan walaalaha nahay ee keenya gaar ahaan laamaha amaanka waxaan ka codsanayaa in wasiir janan oo lagu la,yahay gudaha magaalada nayroobi muddo lix casho ah in meel lagu cadeeyo hadii dambiyo jiraan oo lagu tuhmayo qof dambi wuu geli karaa laakiin waa in la ogaadaa Meesha uu ku sugan yahay” ayuu yiri yuusuf dhuumaal oo hadda ah wasiirka amniga maamulka jubbaland.
C/rashiid janan oo waayihiisa ay marxalado kala duwan soo mareen,marna lagu xiray magaalada muqdisho ayaa kamid ahaa siyaasiyiinta sida wayn uga soo horjeeday madaxwaynaha maamulka jubbaland axmed madoobe oo ay mar ahaayeen saaxiibo aad isugu dhow.