Sida aan horay idinkugu soo gudbinay buul-qalooc oo ah duleedka degmadda doolow ee gobolka gedo waxaa maanta gelinkii danbe ka dhacay dagaal u dhaxeeyay labo beelood kaas oo uu ku dhintay qof shacab ah.
Saldhiga booliska degmadda doolow waxaa caawa ku xiran labbo sarkaal iyo toddobo askari kuwaas oo katirsan ciidanka booliska ee degmadaas kuna eedaysan in rasaas ay fureen uu ku dhintay qofka shacabka ah.
Dhanka kale gudoomiyaha degmada doolow maxamed xuseen cabdi(lafeey) ayaa la kulmay odayaasha qofka geeriyooday,lafeey ayaa odoyaasha u sheegay inay is dejiyaan,askarta xabadaha ridayna ay xiran yihiin,arinta dhacdayna si degdeg ah wax uga qabanayo,odayaasha ayaana ku qancay tilaabada gudoomiyaha uu qaaday waxaana caawa degan xaalada degmada iyo deegaankii lagu diriray.