Dagaal xooggan ayaa mar qura ka dhex qarxay gudaha xabsiga dhexe mana jirin rag katirsan maleeshiyada alshabaab oo weerar ku yimid balse maxaabiistii kuxirnaa ayaa bilaabay xabada kuwaas oo lasoo baxay baskoolado,qoryaha darandooriga u dhaca iyo bambooyin,waxaana ilaa iyo hadda lagu jahwareersanyahay sida hubka ku heleen.
Ragaan ayaana la sheegay in ay gaarayeen 4 maxaabiis oo dhamaantood ahaa dil sugayaal kana tirsanaa kooxda alshabaab waxaana la xaqiijiyay in dhamaantood la toogtay kuna adkaatay inay ka baxsadaan xabsiga dhexe oo qorshahoodu ahaa dagaal kadib inay derbiga xabsiga ka boodaan.
Seddex kamid ah askarta asluubta ee joogay xabsiga dhexe ayaa ku dhaawacmay dagaalkan iyo taliye katirsanaa baambayda ee ciidamada asluubta oo isna goobta ku sugnaa.
Ragaan ayaana la sheegay inay hubka kala soo baxeen joodariyaasha ay ku jiifeen kuwaa oo la eegtay xiligii ugu firaaqada badnaa ee xabsiga dhexe balse gurmadyo degdeg ah oo ka kala tirsan haramcad,NISA iyo booliska oo soo gaaray xabsiga dhexe ayaa dagaal culus la galay ragii maxaabiista ahaa ee rabay inay baxsadaan.
Weerarkaan ka dhex dhacay xabsiga dhexe ee xamar ayaa noqonaya kii labbaad oo sidaan oo kale u dhaca,sanadkii 2020-kii ayaa sidaan oo kale maxaabiis u xirnayd in alshabaab katirsanyihiin ayaa gudaha xabsiga loogu geeyay hub,kuwaa oo ciidamada la dagaalay iskuna dayay in ay baxsadaan.
